الملتقى الرسمي لقبيلة الخضران من حرب

الملتقى الرسمي لقبيلة الخضران من حرب (http://www.alkhdhran.com/index.php)
-   ديوان الشيخ / جزاء بن جهز بن شريد (http://www.alkhdhran.com/forumdisplay.php?f=45)
-   -   الميراج (http://www.alkhdhran.com/showthread.php?t=3501)

يوسف ابن شريد 05-08-2018 11:19 PM

الميراج
 
الضيق بالصدر عندي هاج=ومن ضيقتي ضاقت اوطاني
ياضيق غلاقت مايحتاج=مليان قفلت بيباني
خلاص ماعاد لك مزاج=ارجوك انا شوي تنساني
وقتا ً غلط مع قلق وزعاج=تراي انا منك مرضاني
صدري يبيله هواء وعلاج=مرضان صدري وتعباني
واليوم ابالي شبح راج=بالجو ضفت بجنحاني
كبسلها ازر بالمدراج=كبتن من الارض زهقاني
اقلع طفش ثم فيها راج=بقلاعته تقل سكراني
كنه يبي لسماء معراج=ولا لسطح القمر عاني
وفاق وتذكر ولسيره ماج=راق ومزاجه لها زاني
ياكبتن ليتها ميراج=ونت ولد عم خضراني
طيار تحمل أنجوم وتاج=وفي خطة السير فهماني
ناخذبها فالسماء مرواج=ونته بها منت بحالني
الي عرب حطهم مسهاج=أمن الجزائر لعماني
مع مصر وشام لاقرطاج=في راحت الضيف غشماني
جنب لوسير بك ينعاج=ولازمت شوفلك ثاني
ونكان هذا عليك احراج=انزل بيروت لبناني
ناسن مع الكذب ضحك حجاج=وخدام دولار وخواني
ودك مع صاحبن مغناج=مالك معه صاحبن ثاني
فميزاته مامثله داج=بكل المعاييره فتاني
وقوامه فارع والخد أسراج=اوشاشة تعطي الواني
مايعرف الوان ولامكياج=كل الحلا فيه رباني
يصيبني من هواه أخلاج=بين الحنايا ولاركاني
والي يبا يلومني هلباج=ولاعتبره انسان حيواني
ودك تحطه بخشم سواج=وتسرحه لين ينهاني
بقطيع ماعزا مع الف نعاج=افحوله عشر طلياني
وتروح تصيف على الامواج=مع صاحبك خدر العياني
باثلج تمشي على ازلاج=في ديرتن جوها جناني
لاجيت لاكنه وجه صاج=ماينعرف بين غرباني
يابومحمد نبا المنهاج=ارجوك لوهو على شاني
امير رحلة وشون اخراج=وخوين اول وانا الثاني
فاهم وفنان فالمونتاج=وفي كل حالا ً تحداني
لأنني لخوتك محتاج=وخوان حنا وخلاني
ولابه دوار ولامخراج=عليك حرصن وشفقاني
وماقلته حضر ولايحتاج=الوضع مازان لاشاني
حفظك من نقصده حجاج=وهاذي تحاياي ولحاني


الساعة الآن 03:05 AM

Powered by vBulletin® Copyright ©2000 - 2019, Jelsoft Enterprises Ltd. MTWER