اهداء للشيخ / جزاء بن شريد

[ادارة الملتقى]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قـال السـليمي يوم غـنـى بالأمثال=الطـيب وهـبه والمراجل قسـومي

الطـيـبه مـا جـابـها كـل رجـال=والنـاس به معطـى وفيه محرومي

قـول الحـقيـقه حـق والحق ينقال=ولا خـير باللـي للحـقـايق كـتومي

و رد الثناء مايجحده غير الانذال=ما يجحد المعروف غير الرخومي 

سـلطان تستاهل من الكيف فنجال=ياللـي مواقيـفك تـســد اللـزومي

تشكر ياأبومالك على كل أبو حال=ومن يكسب النوماس عله يدومي

يسقي ثرا خضراء من الغيث ههال=من بادر الرحمه حقاق الوسومي

دفــآق رفــآق على الأرض هـطــال=يـروي ثرا خـد الجلد والحزومي

نوضه يبشـر بالحياء عقب الإمحال=وصوت رعده مثل الرزوم الرحومي

يــومر على دار للأمـجـــاد مـنـزال=دار الـرجـال المـاجـدين القـرومي
صـفوة مناف الطـيب وافين الأفعال=أهل الرحـابه مبعـدين الهـمـومي

أهل الكرم والجود من ماضي الأجيال=وأهل السهوم إن عدو أهل السهومي

والنعم بالخضران شـيـاب وعـيـال=قصـيرهم عن كل ميل محشـومي

مقـدامهـم شـيـخ للأشـكال حـلال=مفراص ماص مجودات البهومي

جزاء جهز واف الخصايل والأفعال=شـيخ ولـد شـيخ قوي العـزومي

ياطـى بها درب الخطر عز وأجلال=تعـرف علومـه لا عـدن العلومي

من صـغر سـنه للثقـيلات شـيال=مثـل القـمر من بيـن كـل النجـومي

سـبـاح جـم الــدر نقـاض فتـال=قـرم المـقـادم للـرذيـله لــطـومي

نطـاح وجـه ليا هـبا كـل خـتال=يارد حـياض المـوت ورد الحيومي

من روس قوم للمعـادين زلـزال=يذري ذراهـم من لهـيب السـمومي

روس تضـد الروس كان الرضا زال=حـريبهم يبعث ذليـل مهمومي

حـرب هل الطـولات في كل الأحوال=خـيالهم به ما تعـود مهـزومي

خـيالـهم ينطـح ثمانيـن خـيـال=وقسـومهم دايـم كـبار القسـومي

يوم إنها بالسـيف صـولات وقتال=اللـي وقـع بنحـورهم ما يقومي

دخـيل ونويشـي بلا شـك وجـدال=نومـآسـنا لـين القـيامه تقومي

كـلن بـفعله والمـواقـف لها أبطـال=والنور من غـطه جهول ضلومي

وخـتامها صلوا على خـير مرسـال=إعـداد مـا هلت غشـون الغيومي



[/poem]

الشاعر / نايف السليمي