قصيدة بمناسبة عودة صاحب السمو الملكي الامير / فيصل بن بندر من رحلته العلاجيه

[ادارة الملتقى]

[poem=font=",6,,normal,normal" bkcolor="transparent" bkimage="" border="groove,5,gray" type=0 line=0 align=center use=ex num="0,black""]
يامرحبا في سيدي قمة الخير=الي على الخيرات نال الرياسه
الي على شوفه نسوق التباشير=شوفه ربيعاً لنفوس أو ناسه
أيامنا في جود خيره مخاضير=نوه ربيعا ما يبيله أعساسه
دايم أقدومه للفيافي تباشير=عم الكرم والمجد واساس ساسه
لك سيرة الامجاد تحك الأساطير=خضراء أكتستبك كل دره أوماسه
امن الفرح ياسيدي عدها اتطير=ولك تندفع في كل شوق او حماسه
ياسيدي فيصل زبون المخاسير=سبحان من معطيك عرف اوكياسه
تعّـمّر فواد أمحطم الوقت تعمير=رست الكرم والجود صعباً مراسه
منابعك للخير والجود تكرير=تعيش بسكونك وتحمل حساسه
يامرحبا بك عد ماغرد الطير=واعداد من رشح المنصب رئاسه
وعداد ما هلت أمزوناً مزابير=واعداد مخط القلم بالدراسه
فيكم تراحيب الفرح شانها غير=ميدنها مايحتوى في مقاسه
تنساقلك صفر الدلال المباهير=يابو الوفاء يابن الكرم والفراسه
حفيد من دور رحها على السير=عبدالعزيز الي بعيداً مراسه
الي له الاضداد تركع مصاغير=عنها العناء والهم بخطاه داسه
لين انجلى ليل الدجاء بالفنانير=وخضر ورقها بعد طاول يباسه
صدره حملها والليالي معاسير=خلدلهاالتاريخ بعد انتكاسه
موفيه حقه بالجمل والتصاوير=ادهاءزعمات الدول والسياسه
وبعده تولوهاأرجالاً مناعير=بسيفاً على التوحيد لها احراسه
ال سعود الي تكف الطوابير=الي عليناالعز ضفو الباسه
في ساحة الميدان لضد تدمير=فيهم على صعب المواقف شراسه
الله يحفظهم ولي المقادير=وعنهم يكيد أهل الحيل والنحاسه
أهل الوجيه الهابيات المعاثير=الي رجاهم كاسبيناً افلاسه
ولاني أمعداً في غواهم تقارير=حيثن معدنهم انعرفه أنحاسه
والدار تحفظ عن عبث كل شرير=تحمى أبرب الكون والباس باسه
ياسيدي حنا أبشوفك مناوير=اقدومكم تاجاً تعلى ابراسه
كن المشاعر في نصر يوم تحرير=أحس بشعوراًرهيباًاحساسه
ورجوك تسمح كان بالقول تقصير=راس الوله والشوق فارق اعماسه
يامرحبا في سيدي قمة الخير=الي على الخيرات نال الرياسه
[/poem]