اهداء لصاحب السمو الامير / سعد بن خالد بن محمد ال سعود

[ادارة الملتقى]

[poem=font=",6,,bold,normal" bkcolor="transparent" bkimage="" border="outset,4," type=0 line=1 align=center use=ex num="0,black""]

في سموك لو عدد للفضايل ماقضيت = ويش اقول ويش اخلي من مواقفك العظيمه
انت رايد للمعالي كل مجداً له حويت = الفضايل والمكارم لك يابو خالد غنيمه
وارداً جم العدود الطيبه منها رتويت = بك صفاتاً بالرجال اليوم ماتوجد عديمه
يمك العلياء تشوم ويمها سرت او رقيت =ياحكيماً بالمعارف سيد أرجالاً حكيمه
العرضلك طيبه مع فاضله لها اشتريت = ما يهمك في ثمنها زايد احساباً و قيمه
من رجالاً وحدو هالمملكه كان اعتزيت =حددوها بالسيوف وفوق ريم وفوق ريمه
ال سعود الي لهم شاناً عظيم وذيع صيت = نهجهم سنة محمد والشرع لا لله تقيمه
في فعايلهم مواعض للغزاه اليا غزيت = دونها كم واحداً خلوه يضربله خريمه
مملكة بيت النبي ولا لله عظيم الشان بيت = قبلةً للمسلمين وفي مشاعرهم ثمينه
ونت النخوه القصرك والوفاء قمت وبنيت = شامخاً بالعاصمه مزبن امن عصوراً قديمه
في ربوعه تستريح انضاق وقتك ثم نصيت =وقتك الكافر اليا جرم هو دواه وهو غريمه
هو ملاذك من همومك كان لراحه بغيت =يلتجيله من زمانه غادراً به في جريمه
سابقلي كدزبنته يوم بالوقت ابتليت =غزوةً من وقت سابق ماكسب غير الهزيمه
يوم ليلي زاد ظّـلمه يم ابو خالد سريت =ونورت كل الدروب المظلمه عقب العتيمه
قال همك زال ونته عن اهمومك ما حكيت = اشهدنك من كرام وسيد ارجالاً عظيمه
قلت ماودك تقوله لا تقوله له رويت =الصعاب الها رجالاً بالمواقف والشكيمه
زايداً لطفك وعطفك عن توقع ما هقيت = المكارم منهجلك سنتلك مستقيمه
ونهزم وقتي وجوره يوم الجوره ما قويت = بسيفكم ياسيدي مافاد مني غير ظيمه
كم توجد وكم بذلت وكم من خيرك عطيت =قلبكم دايم كبير وسيد اقلوباً رحيمه
الكرم والجود كله في طواريقه ربيت =وصبح ابطبعك طبيعي عادةً نبك مستديمه
اشهدنك في مقامك يابعد روحي وفيت =كل صرحاً بالمراجل فايزاً بك يا زعيمه
قبل اشوفك كم مشيت وكم تعبت وكم جريت =دايماً همي نديمي بالعناء ونانديمه
وطاب جرحاً بالفواد المنجرح مـنـّه شفيت =انجلا عني ظلامي وعن نهاري زال غيمه
والرجال الي لهم ربيّت وبعلمك هديت = وافيين بكل خير وبالمواقف والعزيمه
من علومك ينهلون ولك رضاء ونته رضيت=انت ماكر للحرار الي ابطلعتها صريمه
والله انك في فوادي مانت غايب ثم طريت =حافظك بعلى مقام وزايداً قيمه وشيمه
انت مالي راس مالي مابقالي لك فديت =الجوارح في غيابي مع حضوري مستهيمه
الثواني يوم اشوفك بالسنه فيها سليت =مخلصاً كل المشاعر بالولد فيه سليمه
انت ابويه بعد ابويه ماتنسيت ونسيت =شوفتك منها المشاعر دايماً غيمه وديمه
الله انه يحفظك في كل درباً به خطيت = دام عمرك سالماً ياسيدي همك تظيمه

[/poem]