مساجله بين الشيخ / جزاء بن شريد و الشيخ / مقحم بن شرار ( رحمه الله )

[ادارة الملتقى]

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بالله بدينا وبتدينا بالبيات =من هاجساً لقصى الضماير يلوعي
وسط الفواد أمصممله مدرات= منه الضماير تشتكي والضلوعي
ويراكب الي جاهزاً للمهمات = توه جديداً ماكمله أسبوعي
توه من المصنع أبشد الخواجات = منوة غريباً ضاق يبغاء الربوعي
اليامشى يطوي بعيد المسافات = اعط السريع وخل عنك القطوعي
وحسب احسابك في جميع المسارات=تراه بالممشاء سريعاً يروعي
لبو اسعود محملينه تحيات = شيخاً على الشدات قاساً بتوعي
عساه يسلم كل خطوه سلامات = ( والد ) وربك ما يحب القطوعي
سلم عليه وصبحه بالمسرات = واجب وتقديراً بحسن الطبوعي
من لابةً تعرف أبصوله وجولات = مطير تعرف في نهار الجموعي
حمر النواظر تكسب الطيب عادات = تاريخهم معروف يوضي أشموعي
ويابو اسعود اليوم ما به مسرات = فيه الكريم يعيش ذل او خضوعي
منه الفهيم ايخاف يعط المتاهات =ساد وتسيدبه خطاة الدنوعي
وافاً مع الي غاديله معاعات =والحر من جوره يعان اللكوعي
لولاه يامل بالفرج بالقهر مات =ضاقت عليه افجوجها والسنوعي
متكيفنبه من يدير المحطات =رفيق وجهاً للمقفي ندوعي
تحولت حسنات دوره لسيات=والمومن الصابر تحول جزوعي
وسلم حفظك المعتلي بالسموات = مع باقةً من ورد من كل نوعي

[/poem]

رد الشيخ / مقحم بن شرار ( رحمه الله )

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياراكب الي وردوه الامارات = هو منوة الي منتوين الطلوعي
اليا زان خطه والتوانك معبات = اسبق من الي طار عقب الوقوعي
اركب وشغل وتجه صوب ابانات = ونصه لمن ياخذ ورى الحق بوعي
نصه جزاء راعي بيوت شريفات = ابيات عنها يقصرون التبوعي
عزاً لربعه عن خطايا وضدات = حرزن يخلي دايخ الراس يوعي
خطك قريته وامتلا الصدر فرحات = واشتاق قلبي وذرفن الدموعي
هذا زمانن صايرن به غيارات = اقفى على الي يلبسون الدروعي
خلتهم الدنيا بهاذيل واشتات = ومن هف فيها ما حصله متوعي
الله من قلبن كثير المراوات = قامت تلوّعه الهواجيس لوعي
يابوجهز ذكرتني فايت فات = شوف الفياض ومنزلن بالفروعي
يازين شب النار في كل الاوقات = باقصى النفود ويم هاك السموعي
عشبه جديد وسايل قطع سيلات = وعليه من نو الثريا نزوعي
تلقى ليا جيته بيوت مبنات = وقطعان بدوً كانفتها انجوعي
مستانسينً في ربيع ولذات = وتلقى الحباري في طرفهم ارتوعي
واستغفر الله كاني قلت زلات = وانا عن الزلات قلبي قنوعي
يالله يالي عالم بالخفيات = اسالك الرحمه وقلبن خشوعي
وصلاة ربي عد وبل المخيلات = على نبي للاوادم شفوعي
[/poem]