قصيدة بمناسبة حفل قبيلة الخضران لسلامة الشيخ / جزاء بن جهز بن شريد

[مشعل فهيد الخضراني]

[poem=font=",6,,normal,normal" bkcolor="transparent" bkimage="" border="none,6," type=0 line=0 align=center use=ex num="0,black""]
يامرحبا واهلين من قلب ولسان = في ليلتن فيها لنا الكيف طابي
يامرحبا وعداد همال الامزان = بضيوف خضراء طيبين الجنابي
تباشرت خضراء بعودت بليهان = الي لفاها عقب طول الغيابي
جزاء حفيد الي لهم بالوفاء شان = عقب المرض شافاه ربي وطابي
واقاموا الحفله سلايل كحيلان= من زود فرحتهم كبار وشبابي
الحمد للي كون الانس والجان = على شفاء من ين حسبله حسابي
اشفاه ربي ونجلت كل الاحزان = من الفرح جينا نسوق الركابي
حضرت اهني وابغني بالالحان = واقف ورحب في مثايل كتابي
يامرحبا بضيوفنا سر وعلان = باللي للدعوه من دعاه استجابي
قلته وانا من حرب وافين الايمان = اهل السيوف مذهبات النصابي

[/poem]

[راكان الخضراني]

صح لسانك يامشعل ويستاهل المدح ابوجهز

[admin77]

ماقصرت على القصيدة يامشعل وصح الله لسانك

[ذيب الخضران]

صح لسانك وافي

وابو جهز يستاهل اكثر

[ابو ناصر]

لا فض فوك

ابيات جزله

وابو جهز يستاهل الجزاله

احسنت