مجد العرب

[ممدوح البدراني]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الخير باقذال الخيول اللي على ضرب الدفوف = تسهج مراحين العداء بقفايها واقبالها
والحق كلمه خلفها تركض ملايين والوف = لكن ماكل الذي يركض وراها نالها
والعز بيته مبتني لاهل الوفاء والاالضعوف = ماكدرت صفو الرجال اللي على منزالها
والادمي لو يعلم الارزاق ولحضه يشوف = ماطاح حضه لين يلقاء حيلتن يحتالها
ياوجد حالي وجد من يحداه فقره والضروف = وده على الطاله ولكن شاب قبل ماطالها
يهل دمعه حزن وتسوقه على الدنيا الحسوف = لاشاف ناسن تفتخر فبيوتها واموالها
ماله ولد والاء سند ياقف معه ويقول طوف = كل الصعايب ورق للقمه وروم اجبالها
يكود ربعن لذلف قالو لعله لذلوف = ماهو من اعيان العرب والا رجال اعمالها
مايدور انه شايبن خير وله قلبن عطوف = يحسن على المحتاج والحسنه بعشر امثالها
ويلاه يامجداً لنا من كشف الامجاد محذوف = ماباقي الاسيرته ونحفظ فعول ابطالها
يومً هو هولاكو يذوق الموت من حدب السيوف = في معركة جالوت سال الدم واسقى جالها
الصف واحد مدخل فراق الانفس والصفوف = والقصد واحد عزة الامه وضبط احوالها
هاك السنه يوم الجماجم حولت وزن الكتوف = والارض ضاقت بالجنايز وعرها ورمالها
لكن دار الوقت والانسان عرضه لصدوف = والشخص يحصد مازرع والخيل من خيالها
واليوم راح العز واستبدل مكان العز خوف = ومن هول ماشفنا ماعاد الام تبك اعيالها
بالهرج ناصل للقمر ونخلي الصعب معسوف = وبالفعل نرجع للورى والناس يرثى حالها
بعنا العقيده بالهوى ومصيرنا غير معروف = وعقالنا من حضنا تتبع لامر جهالها
والي على ضهر الشداد يغار من راع الردوف = والي يقود القافله عود لها يبرالها
والمبدع الي يزرع الابداع وتحفظ الرفوف = ثروه ولكن رفضوه اهل الشان لاستقبالها
لكن نبقى هكذا واقع مبهذل ومحفوف = باخطار وجبين الفكر من هوالها يندالها
[/poem]