الملتقى الرسمي لقبيلة الخضران من حرب

الملتقى الرسمي لقبيلة الخضران من حرب (http://www.alkhdhran.com/index.php)
-   القصائد المنقولة (http://www.alkhdhran.com/forumdisplay.php?f=35)
-   -   يقولون ما للعبد - للشاعر راشد العجمي (http://www.alkhdhran.com/showthread.php?t=99)

ابو خالد 07-16-2013 03:26 PM

يقولون ما للعبد - للشاعر راشد العجمي
 
((يقولون ما للعبد للشاعر راشد العجمي))
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يقولون ما للعبد بد عن المقسوم=وأنا أقول صح ويقنع العبد مقسومـه
عسى الله يعين اللي توافد عليه إهمـوم=هموم تخلي طبلة الراس منجومـه
ترى والله انه مايكدر عليك النـوم=سوى كلمةً من بعض الاصحاب مسمومه
إليا جت من الغالين وإلا الرخوم رخـوم=ولا أمحق من الغالي إليا شانت أعلومـه
ضعاف الروابع تبتلش والقروم تشوم=ولا هي بلا شيمة ٍ من الشيم مليومـه
ولا أزين من القاع الخلي والوجيه سلوم=ولا رفقة بعد طول الايام ملغومـه
ولا ألذ من عشرة شريفً من أقصى القوم=يبادلك فعل الطيب معناه وسلومـه
ولا شفت في جو الصداقه غبش وغيوم=عطيت الدروب اللي مع الارض مرسومـه
ولا مثل عز النفس لو ما معك مطعـوم=وعن أهل الشماته خل الاسرار مكتومـه
معي لو سمحت شوي عقب عداك اللوم=أبعطيك عن بعض الرجاجيل معلومـه
ترى اللاش لو وقف معك في حياته يـوم = تشوف الردى متبين فيه منيومــه
وأنا أقول لو إن في وجيه الرخوم أوسـوم= عرفنا نميز قيمة النذل بـ أوسومـه
علشان نجلس مع رجال الوفى ونقـوم=ونبعد من اللي عند الاجواد مذمومـه
وأنا أسمع مع أهل التجربة في الحياة علوم=بعضها صحيح وبعض الاخبار موهومـه
يقولون وكر الحر ما يعتليه البـوم=وأنا شوف عيني وكر حرً تحـت بومـه

[/poem]



أتمنى تروقْ لكمْ كماإ رأإقتْ لِيْ .

admin77 07-17-2013 10:35 AM

الله يعافيك ابوخالد

وتسلم على نقل القصيدة

يوسف ابن شريد 07-17-2013 03:21 PM


احسنت الاختيار

يعطيك العافيه يا ابو خالد

على القصيده الجزله

ودمت بخير



الساعة الآن 04:23 AM

Powered by vBulletin® Copyright ©2000 - 2021, Jelsoft Enterprises Ltd. MTWER